المعكرونة بالبيشاميل

المعكرونة بيشاميل ثلاث مراحل :
أولا : معكرونة مسلوقة
ثانيا الحشوة المتوسطة للمعكرونة والبيشاميل
ثالثا: البيشاميل

1-نسلق المعكرونة لحد ماتستوي زين اهم شي ماتتركونها لين تنهري وتصير كأنها عيش (امي تقول كذا)
يعني لو بقدر الضغط يصير من 10 الى ربع ساعة
طبعا تحطون مع المعكرونة مكعبات ماجي الدجاج +عودين قرفه+حبتين ليمون اسود +فلفل اسود وتتاكدون ان الملح تمام

2-اثناء المكرونة ماتستوي تكونو جهزتو مفرومة تقطعون لها بصل وتقلونه على النار لين يصير لونه ذهبي
وتحطون معاه فلفل اخضر مقطع مكعبات صغيرة وبعدين تحطون المفرومه عليها وتحركونها لحد ماتقرب تستوي .......وبعدين تجيبون طماطه وسط وتقطعونها مربعات وتحطونها على المفرومة
وتحطون على المفرومة كمان ماجي مكعبات واللي مايبيها مع انها تطعم الاكل يحط ملح لوحده لان الماجي مملوحة جاهزة .....عموما لو مفرومة وحدة تحطون مكعب واحد ماجي +فلفل اسود +كمون ملعقة صغيرة
كذا نكون انهينا الحشوة

3- البيشاميل
البيشاميل طرق مختلفة ..........كل واحد ومزاجه ...لكن انا بكتب طريقتي وفيها اختلاف ششششوي
مو كثير
اولا نجيب فنجان شاي زيت ونضعه في قدر متوسط (مو صغير!) ونحطة على النار لين يحتر الزيت
بعدين نحط 3 ملاعق كبيرة دقيق ابيض ونحرك بسرعة عشان مايتكتل...ونخليه لين يصير لون الدقيق ذهبي ...
ونكون قبل مانسوي الخطوة هذي مجهزين خمس ملاعق حليب كبيييرة مع خمس كاسات موية يمكن اقل شوي يمكن اكثر شوي حسب حجم الصينية ..ونخلطهم مع بعض زين
لمن يتغير لون الدقيق للذهبي نضع عليه الحليب السائل ......وكمان حبة بيض (اللي مايحب البيض مولازم)
ونحرك بسرعة حتى مايتكتل الخليط
نضع مكعب ماجي ايضا وشوية فلفل اسود وملعقة جبنة كرافت مع البيشاميل ونخليه على النار لين يصير ثقيل ..ونطفي عليه

الحين مرحلة التجهيز :
نضع المكرونة المسلوقة في صينية ونضع عليها شوية من مقدار البيشاميل ونخلطها بالمكرونة
بعدين نوزع المفرومة عليه بالتساوي ............بعدين نصب بقية البيشاميل على المفرومة
ونخفق حبة بيضة ونسكبها على البيشاميل وندخلها الفرن ونشغل النار من فوق لحد ماتتحمر البيشاميل
بعدين نطلع الصيينية .........وتقطع وتقدم

يمممممممممممممممممممممممممممممممممم وبالهنا والشفا على قلوبكم

الطريقة شكلها طويلة بس سهلة على المحترفين ..........واللي مايقدر من العزوبية
بقترح عليه اقتراح سهل وحليو يسوي لاي طبخه عجبته قص ولزق ويطبعها على الوورد ويوديها لاخته ولا امه تسويها له .............ولا حتى ام صديقه ههههههههه كان الله بعونكم

وانشااااااااااالله تعجبكم ..وسلام ...........

=

إخفاق في المعايير ..!

فقط....مطلوب مجرد هدووووووء !!!!

مشكووووووووووووووووور ويعطيك العافيه

تسلم حبيبي سويت افه عليك مستعد اجيب اي وصفه تبونه من عيوني

لا مشكووور بس اذ نبي نقولك

انا ابي وصفه الفول المصري ههههه

مشكوووورين اخوانين

الفول الي تبي مدمس ولا مو مدمس ههههههههههه

تسلملى هل ايدين الى تكتب موضيع مثل هذي
تحياتي
كرستيانو